چیئرمین پی ٹی آئی عمران خان کے متعلق بُری خبر
Shares
اسلام آباد ہائی کورٹ نے سائفر کیس میں ٹرائل کو روکنے کی چیئرمین پی ٹی آئی عمران خان کی درخواست کو مسترد کر دیا.
نجی ٹی وی چینل دنیا نیوز کے مطابق، اسلام آباد ہائی کورٹ میں سائفر کیس میں چیئرمین پی ٹی آئی عمران خان کی جیل ٹرائل کیخلاف انٹراکورٹ اپیل پر سماعت کی، جسٹس میاں گل حسن اور جسٹس ثمن رفعت کی مشتمل دو رکنی بنچ نے سماعت کی.
چیئرمین پی ٹی آئی کے وکیل بیرسٹر سلمان اکرم راجہ عدالت میں پیش ہوئے، انہوںں نے کہا کہ ہماری درخواست 2 مختلف نوٹیفکیشنز کو چیلنج کرنے سے متعلق ہے، 27 جون اور 29 اگست کے وزارت قانون کے نوٹیفکیشنز کو چیلنج کیا تھا. جیل ٹرائل کا نوٹیفکیشن وفاقی حکومت نے ازخود جاری کیا.
عمران خان کے وکیل سلمان اکرم راجہ نے دلائل دیتے ہوئے کہا کہ یہ ایک انتظامی نوٹیفکیشن تھا جس کامجاز کمشنر اسلام آباد کا تھا، وفاقی حکومت نہیں. جسٹس میاں گل حسن نے کہا کہ ہو سکتا ہے جب فائل مارکنگ کیلئے چیف جسٹس کے پاس جائے تو نیا بنچ تشکیل دیدی جائے.
ابھی ہم آپ کو کوئی عبوری ریلیف نہیں دے سکتے. یہ درخواست قابل سماعت ہے یا نہیں اس کا فیصلہ بعد میں ہوگا. کسی شخص کیلئے رولز کی خلاف ورزی نہیں کر سکتے. عدالت نے سائفر کیس میں ٹرائل روکنے کی چیئرمین پی ٹی آئی کی استدعا کو مسترد کر دیا
